Sulmuesi u jep lamtumirën zikaltërve

Futboll

Sulmuesi u jep lamtumirën zikaltërve

Më: 8 qershor 2025 Në ora: 18:12
Marko Arnautoviç - majtas

Marko Arnautoviç i ka dhënë lamtumirën skuadrës së Interit, duke konfirmuar atë që pritej prej kohësh.

Kontrata e sulmuesit austriak mbyllej në fund të qershorit dhe futbollisti ka bërë të ditur se nuk do të jetë më pjesë e klubit.

Këtë ai e ka konfirmuar në fund të ndeshjes që Austria luajti kundër Rumanisë.

Ai u pyet nga mediat nëse do të kthehej te Interi për të punuar me Kristian Kivun, të cilin dikur e kishte shok skuadre në etapën e parë te klubi zikaltër.

“Koha ime te Interi ka përfunduar”, ishte përgjigja e prerë e sulmuesit austriak, i cili gjithsesi i uroi suksese trajnerit të ri.

“I uroj më të mirën, është një trajner i ri dhe i uritur për suksese. Shpresoj që të bëjë një punë të mirë me këtë skuadër të madhe”, tha Arnautoviç para mediave.

comment Për komente lëvizni më poshtë
Sot mund të lexoni Shfletoni kopertinat