Edon Zhegrova i thotë ‘po’ Juventusit, arrijnë marrëveshje

Futboll

Edon Zhegrova i thotë ‘po’ Juventusit, arrijnë marrëveshje

Më: 20 gusht 2025 Në ora: 10:44
Edon Zhegrova

Ylli kosovar, Edon Zhegrova thuhet se i ka thënë ‘po’ Juventusit, duke arritur një marrëveshje personale për transferimin e tij këtë verë.

Zhegrova pritet ta vazhdoj karrierën në Serie A, pasi eksperti italian i transferimeve Nicolo Schira raporton se palët kanë arritur një marrëveshje pesëvjeçare me vlerë 2.5 milionë euro në vit plus bonuse.

Sipas Schiras, Bianconerët tani po e detyrojnë Lillen ta pranoj ofertën e tyre, duke pasur parasysh se kontrata e lojtarit po skadon dhe ai tashmë ka njoftuar vendimin e tij për të mos rinovuar me klubin francez.

“Edon Zhegrova i ka dhënë mundësinë e tij Juventusit për një kontratë deri në vitin 2030 (2,5 milionë euro/vit + bonuse)”.

“Juventusi tani po përpiqet të arrijë një marrëveshje me Lille. Kontrata e Zhegrovës skadon në qershor 2026 dhe ai tashmë i ka njoftuar LOSC vendimin e tij për të mos e zgjatur”, ka shkruar Schira.

Sipas mediave italiane, marrëveshja mes klubeve mund të jetë midis 18 dhe 20 milionë eurove.

Ndryshe, 26-vjeçari prej janarit të vitit 2022 është pjesë e Lillet kur iu bashkua nga Baseli dhe në 80 paraqitje në Ligue 1, Zhegrova ka shënuar 15 gola dhe ka bërë 13 asistime. 

comment Për komente lëvizni më poshtë
Sot mund të lexoni Shfletoni kopertinat