Kosova barazon
Kosova dhe Izraelin ndahen baras (0:0) në ndeshjen e xhiros së tretë të Grupit 3 të Ligës B të Kombeve në futboll.
Nga një pikë për secilën kombëtare.
Austria kryeson me 7 pikë, pasojnë Kosova me 4, Irlanda 4 dhe Izraeli me një pikë.
Izraeli - Kosova 0:0
Stadiumi "Nagyerdei", Debrecen.
Shikues: 1.000.
Gjyqtar: R. M. Petrescu (Rumania).
Shënues:
Kartona të verdhë:
Izraeli: Tzur, Khalaili (Dasa 78'), Shlomo, Nachmias, Stoinov, Peretz (Kanichowsky 78'), Azoulay (Gloukh 73'), Peretz, Solomon, Abada (Feingold 69') dhe Baribo (Turgeman 69').
Kosova: Shaipi, Vojvoda, I. Krasniqi, Dellova, Avdyli (Gallapeni 59'), E. Krasniqi, Matoshi (Zhegrova 77'), Kaçuri (Avdullahu 60'), Jashari (Hoxha 59'), Rrahmani (Rashica 69') dhe Asllani.
ë minutën e 31-të, Abada del ballë për ballë me portierin Amir Shaipi, por ky i fundit del më i suksesshëm dhe shpëton Kosovën.
Pas pesë minutave (36') Dellova dërgon goditje të fortë nga rreth 20 metra dhe mezi e ndali portieri izraelit Tzur. Portieri izraelit e grushton topin dhe shpëtoi portën.
në pjesën e dytë, në minutën e 52-të, Muharrem Jashari godet rrezikshëm ulët nga skaji i zonës, por Assaf Tzur reagon mirë dhe ndal topin që po shkonte drejt qendrës së portës.
Në minutën e 55-të, Dor Peretz pranon një harkim të saktë në zonë, kontrollon topin dhe godet fort drejt qendrës së portës, por Amir Shaipi bën një pritje fantastike dhe shpëton Kosovën!
Në minutën e 74-të Valmir Matoshi lëshon një mundësi të artë, por goditja e tij shkon jashtë, pranë shtyllës së majtë.
Në minutën e 90+1 Veldin Hoxha godet nga rreth 17 metra, por nuk arrin të shënojë. Për fat të keq të tij, topi shkon jashtë portës, pranë shtyllës së majtë.