Fiorentina vjen në këtë rivalitet të fortë pas ndërprerjes së serisë pa fitore në javën e kaluar dhe tashmë synon suksesin e parë në shtëpi këtë sezon ndaj Juventusit, që kërkon të ngjitet në zonën e vendeve evropiane pas fitores ndaj Napolit.
Historikisht, Juventusi ka dominuar këtë përballje me 82 fitore në elitën e futbollit italian, kundrejt 55 barazimeve dhe 37 sukseseve të Fiorentinës.
Megjithatë, skuadra vjollcë ka aktualisht epërsinë morale, pasi është e pamposhtur në katër përballjet e fundit në Serie A ndaj bardhezinjve (2 fitore dhe 2 barazime).
Hera e fundit që Fiorentina regjistroi një seri më të gjatë pa humbje ndaj Juventusit ishte në vitin 1964.