I ftohti siberian arrin në Kosovë, deri në sa gradë do të bien temperaturat pasnesër

Kosova

I ftohti siberian arrin në Kosovë, deri në sa gradë do të bien temperaturat pasnesër

Më: 23 janar 2022 Në ora: 15:20
Foto ilustrim

Instituti Hidrometeorologjik i Kosovës ka bërë të ditur parashikimin e motit për pesë ditët e ardhshme në Kosovë.

Sipas njoftimit, masat e ftohta polare do të vazhdojnë të mbeten prezent edhe gjatë javës së fundit të muajit janar.

Këto masa të ftohta do të kushtëzojnë mot të ftohët dhe me pak reshje bore. IHMK-ja ka bërë të ditur se reshjet do të fillojnë sonte për të vazhduar edhe nesër në disa zona.

“Temperaturat minimale parashihen të zbresin deri në -13 gradë Celsius ditën e martë, ndërsa maksimalet e ditës parashihen të arrijnë deri 3-4 gradë në pjesën e dytë të javës”, thuhet në njoftim.

IHMK-ja ka bërë thirrje për kujdes për drejtuesit e mjeteve motorike dhe këmbësorët, pasi që sipas parashikimeve, ngricat do të mbesin prezent, ndërsa do të jenë më të ashpra në zonat e larta.

Sa i përket erës, vazhdon të mbetet prezent drejtimi i verilindjes dhe veriperëndimit, ndërsa shpejtësia e saj do të jetë e ndryshueshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat