Ende asnjë gjurmë nga 80-vjeçari Alush Kastrati.
Operacioni i kërkim-shpëtimit po vazhdon me intensitet të shtuar.
Kështu deklaroi kryetari i Shoqatës së Kërkim-Shpëtimit, Mentor Maloku.
“Kërkimet jemi duke vazhduar. Ende nuk e kemi asnjë gjurmë. Për momentin jemi vetëm ne në terren”, deklaroi ai.
Burri i moshuar, nga fshati Zatriq i Rahovecit është raportuar i zhdukur nga familja më 7 mars dhe nga ajo kohë nuk ka asnjë kontakt me të.
Shoqata e Kërkim-Shpëtimit, ka njoftuar më herët se ka aktivizuar edhe Departamentin e Paragllajdit, për ta monitoruar nga ajri situatën.