Në orët e vona të mbrëmjes së djeshme, ndërroi jetë gazetari i mirënjohur sportiv, Avni Shabani. Ai punoi në gazetën “Rilindja” në vitet e 80-ta dhe të 90-ta (“Bujku”), pastaj ka qenë drejtor në Radio Ferizaj, një kohë bashkëpunëtor në gazetën kombëtare “Bota sot”, drejtor në drejtoratin e sportit të Ferizajt, dhe shumë vite në Radio Kosovë.
Federata e Pingpongut të Kosovës, me president Jeton Beqiri, janë të trishtuar me lajmin për vdekjen e Shabanit.
“Avni Shabani mishëronte gjithçka që ishte e mirë, e drejtë dhe e virtytshme në profesionin e tij fisnik. Kushdo që ushtronte të njëjtin profesion, kishte fatin e mirë ta quante koleg. Eleganca dhe hiri i reportazheve të tij sportive, e mirësjellja e tij e përbashkët - një monument aq i guximshëm, sa që do të trashëgohet për breza të tërë.
Ndërsa familja e tij, kolegët e tij dhe komuniteti sportiv, pa dyshim do të ndajnë një ndjenjë humbjeje, por ata gjithashtu duhet të ndajnë një ndjenjë krenarie që kanë jetuar në kohën e tij.
Në emër të Federatës së PingPongut të Kosovës dhe tërë komunitetit sportiv të pingpongut, u shprehim ngushëllimet më të sinqerta familjarëve, miqve dhe gjithë komunitetit sportiv në Kosovë.
Dritë pastë shpirti i tij fisnik!”, thuhet në telegram ngushëllimin e FPPK-së.
