Komuna e Fushë-Kosovës, përkatësisht Drejtoria e Kulturës Rinisë dhe Sportit, në sallën e Kuvendit të Komunës ka zgjedhur, dhjetë më të mirët në sport, klubi më i mirë, trajneri më i mirë, referi më i mirë, si dhe sportisti i vitit 2020 për komunën e Fushë-Kosovës.
Në këtë manifestim nënkryetari i Komunës Fadil Krasniqi në fjalën përmbyllëse tha se Komuna e Fushë-Kosovës edhe këtë vit shquhet për realizimin dhe përmbushjen e detyrave dhe obligimeve ndaj qytetarëve, në veçanti në fushën e kulturës dhe sportit. Projekte të shumta janë realizuar këtë vit dukë përfshirë sportin si një nga prioritetet tona, gjithashtu Drejtoresha Nurije Avdiu ju premton sportistëve përkrahje të vazhdueshme në zhvillimin e aktiviteteve të tyre sportive për vitin 2021.
Fitues në sport ishin:
Çmimi “Klubi më i dalluar i vitit 2020” kësaj here me propozimin e komisionit i është ndarë klubit të “Volejbollit Fushë Kosova” me rezultatet kulminante të arritura gjatë këtij viti klubi ka arritur të inkuadrohet në Superligën A për Femra.
Çmimi “Trajneri më i dalluar i vitit”, i është ndarë profesorit dhe njërit nga më të dalluarit , Zijadin Obertinca – Trajner i klubit të “Volejbollit Fushë Kosova”.
Një nga rezultatet që duhet veçuar është se Klubi i Volejbollit Fushë Kosova fal punës së trajnerit ka arritur që të inkuadrohet në Superligën A për femra në nivel te vendit.
Çmimi “Shpresa e Sportit” i është ndarë gjimnastës së re Elena Mangjolli, e cila premton shumë.
Ndër dhjetë sportistët më të dalluar janë :
Lirigzon Maloku – Futbollist, gjithsej 18 gola të realizuara dhe bartës kryesor i rezultateve të mira për vitin 2020.
Art Veseli – Xhudist i klubit Sankaku/ fitues i shumë medaljeve, kampion i Kosovës i pakontestuar.
Dren Ibrahimi – Karateist i klubit Martial Arts Fushë Kosova, kampion i Kosovës dhe fitues i shumë turneve brenda vendit.
Duarza Ivanja – Atlete e klubit të atletikës Kalaja, Sprintere dhe kampione e shumëfisht e Kosovës.
Valza Gashi – Karateiste e Klubit të Karatesë Fushë Kosova e arritur kulminante për vitin 2020 është e renditur e 28-ta në ranglistën botërore.
Rinesa Osmani – Karateiste e Klubit të Karatesë Fushë Kosova e arritur kulminante për vitin 2020 është e renditur e 35-ta në ranglistën botërore.
Vjosa Gashi – Volejbolliste e Klubit të Volejbollit Fushë Kosova
Enkel Hamiti – Karateist i klubit Martial Arts Fushë Kosova, kampion i Kosovës dhe fitues i shumë turneve brenda vendit
Zana Jusufi – Volejbolliste e Klubit të Volejbollit Fushë Kosova.
Sportiste e vitit 2020 për Komunën e Fushë-Kosovës:
Fituese e çmimit “Sportist i vitit 2020’ për komunën e Fushë-Kosovës është Adisa Hakiqi.
ADISA HAKIQI lojtare e Klubit të Volejbollit për shtatë vite, luan në rolin e pasueses, ka qenë pjesë e të gjitha lojërave të zhvilluara, është lojtarja kyçe për rezultatet e arritura të Klubit të Volejbollit Fushë Kosova me të cilin ka arritur të shpallet kampion në superligën B gjithashtu ka arritur të inkuadrohet në superligën A për vitin 2020 duke u renditur në mesin e 5 ekipeve më të mira në vend.
Komuna e Fushë-Kosovës, Drejtoria për Kulturë Rini dhe Sport, iu uron sportistëve suksese edhe më të mëdha duke u zotuar se do t’i përkrahë dhe do t’i mbështes pandalshëm edhe në vitin vijues.
