Ish ambasadorja e Kosovës në Shtetet e Bashkuara të Amerikës, Vlora Çitaku i ka reaguar gazetës së përditshme spanjolle “AS”, e cila gjatë ditës së sotme publikoi një tabelë të grupit B, pa emrin e Kosovës.
Së fundmi, është e përditshmja spanjolle “AS” e cila teksa ka publikuar renditjen tabelore në Grupin B të eliminatoreve për Kampionatin Botëror “Katar 2022”, nuk ia ka vendosur emrin Kosovës.
“Hej Diaro AS, shteti ka emër, përsërite pas meje, KOSOVA” – shkroi ajo në llogarinë personale në Twitter.
Spanja është një nga shtetet që nuk e njeh pavarsinë e shtetit të Kosovës, andaj ndonëse ndodhen në një Grup me “Dardanët” po duan t’i sjellin probleme në ndeshjen e 31 marsit në Sevillë.
