Kampioni i Evropës në vitin 2004, Fehmi Mahalla, ka përgëzuar karateistin Elhami Shabani për medaljen e bronztë (- 75 kg) në Kampionatin Evropian.
Mahalla tha se është sukses i madh për Shabanin dhe sportin në përgjithësi të Kosovës.
Karateisti i kombëtares së Kosovës, në luftë për medalje e mposhti me rezultat 2:1 boshnjakun Hamza Turulijan.
Elhami Shabani
Si e vlerësoni medaljen e bronztë të Elhami Shabanit, a mendoni se Kosova ka edhe shumë emra tjerë që kanë potencial?
“E vlerësoj shumë edhe e ka arritur me plot meritë.
Për moment nuk mund me thënë a ka tjerë emra se tash janë gjenerata e re, nuk i njoh mirë çfarë kapaciteti kanë”, përgjigjet Mahalla për gazetën kombëtare “Bota sot”.
Fehmi Mahalla e Halil Mahalla
Mahalla, një kohë ka qenë ish selektor i Kombëtares së Kosovës, periudha e punës së tij edhe sot përmendet me krenari nga komuniteti i karatesë në vendin tonë.
