Pas palestrës së sporteve “Bill Clinton” në Ferizaj, tani ajo në Istog është për turp dhe në gjendje të tmerrshme edhe palestra e sportit në Skenderaj.
Një fotografi që është dërguar në redaksinë e gazetës kombëtare “Bota sot”, shihet katastrofa e palestrës së sportit në Skenderaj, shumë kove aty brenda, për të ndaluar ujin që pikon nga çatia.
Kur bie shi bëhet e ditë zeza, pikon çatia!
Kjo palestër ka më shumë se një vit e gjysmë që është hapur, palestër e re dhe po shndërrohet në turp.
“Është me e keqja mirëmbajtja dhe është katastrofale.
Instalimi i rrymës është skandal! Paramendoje nuk ka treshteksh askund.
Dyert dhe dritaret janë veç sa për sy e faqe.
Më e keqja është se mirëmbajtja është zero.
Vet lojtaret e fshijnë e pastrojnë palestrën. Ne paguajmë për ta pastruar gjatë ndeshjes një person që ne e angazhojmë”, tha një zyrtar i një klubit në Skenderaj, emër i njohur për redaksi.
