Nis maratona e Tiranës, rreth 5 mijë pjesëmarrës nga 50 vende të botës

Sporti

Nis maratona e Tiranës, rreth 5 mijë pjesëmarrës nga 50 vende të botës

Më: 20 tetor 2024 Në ora: 09:47
Pamje nga vendi i ngjarjes

Starton Maratona e Tiranës, eventi më i madh sportiv në kryeqytet.

Në orën 09:00, nga sheshi “Skënderbej” nisën maratonën vrapuesit e parë në kategorinë “Marathon 42 km”.

Maratona do të zhvillohet në katër kategori kryesore: “Marathon” 42 km, “Half Marathon” 21 km, “Tirana 10K”, 10 km, dhe “We Too” 5 km.

Për secilën prej tyre janë parashikuar çmime të ndryshme.

Edicioni i tetë i maratonës ka mbledhur në kryeqytet rreth 5 mijë vrapues nga e gjithë bota, të cilët do të garojnë në kategori të ndryshme.

Ajo ka nisur në orën 09:00 dhe është parashikuar të zgjasë deri në 16:00.

Gjatë këtyre fashave orare rrugët kryesore brenda unazës së mesme do të bllokohen, duke devijuar trafikun në akse të tjera.

comment Për komente lëvizni më poshtë
Sot mund të lexoni Shfletoni kopertinat