Djaloshi nga Kosova, Orges Arifi, është gati për finalen e madhe të Kampionatit Evropian.
Arifi synon titullin e kampionit të Evropës.
“Orges Arfi (kumite -60kg) - me një paraqitje jashtëzakonshme, e çon sërish Shqipërinë në finalen e Europianit të Karatesë . Ditën e nesërme, Orgesi do të luftojë për medaljen e artë kundër përfaqësuesit të EKF (Rusia).
Abdullah Backa - (Kumite -67kg) pas një lufte të fortë me përfaqësuesin nga Belgjika 🇧🇪, nuk arriti të kalonte më tej.
Bekim Basha - (Kumite -75kg) pas një ndeshje të ngushtë, me përfaqësuesin e Sllovakisë, u gjend i pafat për të kaluar më tej.
Melos Gashi - (Kumite -84kg) tregoi edhe njëherë cilësitë e tij duke arritur të renditet i 7-ti ne Kampionatin Europian.
Melos arriti të mund përfaqësuesin nga Bosnja dhe Hercegovina 🇧🇦 me rezultatin 3:1 dhe kundër përfaqesuesit të EKF (Bjellorusisë) me rezultatin 3:0, por u ndal ne luftën kundër përfaqësuesit nga Ukraina 🇺🇦 me rezultatin 0:1.
Blodin Pakashtica - (Kumite +84kg) pas një lufte të fortë, u ndal nga përfaqësuesi i Greqisë”, njofton Federata Shqiptare e Karatesë.
