​Parisi në rrethim policor për shkak të finales së Ligës së Kampionëve

Sporti

​Parisi në rrethim policor për shkak të finales së Ligës së Kampionëve

Më: 30 maj 2025 Në ora: 10:45
​Parisi

Një vendosje masive prej 5,400 oficerësh policie dhe xhandarësh do të vendoset nesër në Paris dhe përreth tij për të parandaluar trazirat gjatë finales së Ligës së Kampionëve midis PSG-së dhe Interit në Mynih, njoftoi sot shefi i policisë së Parisit, Laurent Nuñez, përcjellë KosovaPress.

“Një vendosje masive trupash në dhe përreth kryeqytetit, me 5,400 oficerë të mobilizuar (krahasuar me 2,000 për gjysmëfinalen), është jashtëzakonisht e madhe”, tha Nuñez për gazetën “Le Parisien”.

"Një numër i madh oficerësh do të vendosen në Champs-Élysées dhe përreth Parc des Princes", shtoi ai.

Finalja e Ligës së Kampionëve ndërmjet Paris-Sain-Germain dhe Interit do të zhvillohet të shtunën nga ora 21:00 në Mynih të Gjermanisë, por pritet edhe një organizim i madh në kryeqytetin francez në mbështetje të PSG-së, andaj masat e sigurisë janë mëse të nevojshme për të shmangur ndonjë incident.

comment Për komente lëvizni më poshtë
Sot mund të lexoni Shfletoni kopertinat