Ylli i peshave të rënda, Anthony Joshua po vazhdon trajtimin në pjesët e trupit të tij.
36 vjeçari ishte i përfshirë në një përplasje fatale në Nigeri më 29 dhjetor — vetëm dhjetë ditë pasi kishte mposhtur YouTuber-in e kthyer në boksier Jake Paul në Miami.
Joshua i mbijetoi aksidentit, por kjo tragjedi u mori jetën dy miqve të tij të ngushtë: trajnerit personal Kevin Ayodele dhe terapistit të tij, Sina Ghami.
Që nga ajo ngjarje, Joshua ka qenë në rikuperim dhe ka shpërndarë në Snapchat fotografi nga trajtimi i dhimbshëm që po i bëhet në brinjë. Në postimin e tij shkruhej:
“Protokolli i rehabilitimit. Kur kalon nëpër disa gjëra, e kupton që je më i fortë sesa mendon.”
“Latz” ishte mik i fëmijërisë së AJ-së, ndërsa Ghami ishte terapisti i tij i rikuperimit për shumë vite.
Pas nokautimit të Paul-it, AJ ishte planifikuar të ndeshej në mars, por aksidenti e la të pasigurt të ardhmen e tij në boks.
Promotori Eddie Hearn beson se ish-kampioni i dyfishtë i botës në peshat e rënda do të rikthehet në ring për të nderuar miqtë e tij tashmë të ndjerë.
Një rikthim gjatë verës po bëhet gjithnjë e më i mundshëm, ndërsa rivali Tyson Fury, 37 vjeç, gjithashtu është rikthyer nga pensionimi për një përballje në prill kundër Arslanbek Makhmudov.
