Vllaznia gjen më në fund marrëveshjen me klubin japonez

Futboll

Vllaznia gjen më në fund marrëveshjen me klubin japonez

Më: 22 janar 2021 Në ora: 12:06
Vllaznia gjen më në fund marrëveshjen me klubin japonez

Ismael Dunga nuk është më futbollist i Vllaznisë. Klubi shkodran ka arritur më në fund marrëveshjen me klubin japonez Sagan Tosu për të transferuar sulmuesin kenian.

Prej gati një muaji klubet po negocionin kalimin e lojtarit në Lindjen e Largët, por sot “maratona” e bisedimeve ka marrë fund dhe ish-sulmuesi i Tiranës dhe Luftëtarit pritet të nisë aventurën me klubin e ri.

Edhe pse luajti vetëm 8 ndeshje me Vllazninë, Dunga arriti të linte gjurmë duke shënuar 5 gola në 8 ndeshje. Në fund të vitit, atij i skadoi lejeqëndrimi në Shqipëri dhe u detyrua të kthehej në atdhe për të plotësuar dokumentacionin. Në këtë moment, Saga Tosu shfaqi interes për 27-vjeçarin dhe negocioi me Vllazninë.

Nga ky operacion, shkodranët priten të përfitojnë 130 mijë dollarë.

commentFirst article
Sot mund të lexoni Shfletoni kopertinat