Olivier Giroud po i kalon ditët e tij të fundit si futbollist i Chelseat.
Sulmuesi francez do të largohet në fund të këtij edicioni nga gjiganti anglez, pasi kontrata me finalistin e Ligës së Kampionëve i skadon.
Veterani 34-vjeçar nuk do të vazhdoj qëndrimin në ‘Stamford Bridges’, derisa para vetës ka shumë oferta.
E ardhmja e tij duket se do të jetë në elitën e futbollit italian, Serie A, ku Lazio dhe Inter janë duke biseduar me agjentin e lojtarit.
Të dyja klubet italiane duan një sulmues rezervë që garanton disa gola në sezon dhe profili i Giroud është i duhuri për to.
Gjithsesi transferimi i tij nuk do të jetë aspak i lehtë, pasi lojtari po kërkohet me ngulm edhe në vendlindjen e tij në Francë.
Olympique Marseille, Monaco, Lille dhe Olympique Lyon janë skaudrat që kanë shprehur interesim për të.
I sigurt është vetëm largimi i tij nga Chelsea dhe Anglia, por e ardhmja e tij vazhdon të mbetet mes Francës dhe Italisë.
Reprezentuesi francez këtë edicion ka zhvilluar 34 ndeshje me Chelsean, ku kryesisht është inkuadruar nga banka rezervë derisa ka shënuar 11 gola.
