Reagon “Tirona Fanatics”: Ndaj Vllaznisë si në aeroport!
Siguria në stadium është një nga kërkesat më të rëndësishme nga ana e UEFA-s në prag të zhvillimit të finales së Conference League në Air Albania.
Në takimet e fundit të zhvilluara në këtë impiant ka pasur probleme, ndërsa në sfidën e kaluar kur përballej Tirana me Vllazninë, policia vendosi të mos lejonte tifozët të hynin në stadium pa mjet identifikimi me vete.
Por, ultrasit dhe saktësisht tifogrupi i Tiranës, “Tirona Fanatics” kanë reaguar së fundmi në lidhje me kartat e identitetit duke theksuar se ata për asnjë moment nuk do të hyjnë në stadium duke treguar mjetet e identifikimit ndërsa shtojnë se ndaj shkodranëve hyrja në stadium ishte njësoj sikur të kaloje në një aeroport.
