Ndeshje interesante mes Manchester United e West Ham, ja formacionet zyrtare

Futboll

Ndeshje interesante mes Manchester United e West Ham, ja formacionet zyrtare

Më: 22 janar 2022 Në ora: 15:15
Foto ilustrim

Me fillim nga ora 16:00 do të zhvillohet ndeshja interesante në stadiumin “Old Trafford”, ku gjigandi anglez Manchester United pret në shtëpi skuadrën e West Ham, ndeshje kjo e vlefshme për xhiron e 23 të Premier Ligës angleze.

Në xhiron e fundit, West Ham pësoi humbje nga Leeds United me rezultat të ngushtë 3:2, kurse Manchester United e mposhti Brentfordin me rezultat 3:1.

Momentalisht, të dy skuadrat i ndajnë vetëm dy pikë në tabelë, ku West Ham zë vendin e katërt me 37 pikë, krahas United që renditet në vendin e shtatë me 35 pikë.

Sa i përket ndeshjes së sotme, te “Djajtë e Kuq” nuk do të paraqiten Bailly, Lindelof, Pogba, Shaw, Wan-Bissaka dhe Sancho, kurse te “Çekanët” do të mungojnë Zouma, Ogbonna dhe Benrahma.

Tanimë, të dy trajnerët kanë publikuar formacionet me të cilat do ta fillojnë këtë ndeshje, dhe ato zyrtare i gjeni më poshtë.

Manchester United (4-3-3): De Gea; Dalot, Maguire, Varane, Telles; Fred, McTominay, Fernandes; Greenwood, Ronaldo, Elanga

West Ham United (4-2-3-1): Areola; Cresswell, Zouma, Dawson, Coufal; Soucek, Rice; Fornals, Lanzini, Bowen; Antonio

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat