Kampionati 5×5 drejt fundit, përcaktohen katër ekipet gjysmëfinaliste

Futboll

Kampionati 5×5 drejt fundit, përcaktohen katër ekipet gjysmëfinaliste

Më: 18 maj 2022 Në ora: 14:55
Kampionati 5×5 drejt fundit, përcaktohen katër ekipet gjysmëfinaliste

Kampionati Kombëtar i futbollit 5×5, që organizohet nga FSHF ka zhvilluar katër ndeshjet e fazës çerekfinale për këtë sezon futbollistik. Të gjitha sfidat sollën garë të fortë dhe mjaft emocione, teksa vetëm 4 ekipe ia dolën të siguronin një biletë për në fazën gjysmëfinale të këtij edicioni të dytë.

Ndeshja Kalaja – Genius nxorri fitues këto të fundit, teksa pas barazimit 2-2 në kohën e rregullt, skuadrat iu drejtuan penalltive, ku ekipi i Genius u tregua më i saktë, duke siguruar një biletë për në gjysmëfinale.

Në përballjet e tjera, Tirana 5×5 mundi me shifrat e thella 6-2 ekipin e Çamërisë, duke kaluar në fazën tjetër, teksa edhe Prestige arriti të kualifikohej në gjysmëfinale, pasi triumfoi me shifrat 3-2 ndaj skuadrës së Çermenikës. Skuadra tjetër që ka prekur gjysmëfinalen është Beautiful Albania, që fitoi me rezultatin 3-1 ndaj Air Albanias.

Sipas skemës së përcaktuar më parë, çiftet gjysmëfinaliste të këtij sezoni do të jenë si më poshtë:

Genius – Tirana 5×5

Beautiful Albania – Prestige

Në këtë fazë u përfshinë 32 skuadra, ku Tirana u përfaqësua me 3 skuadrat e para të çdo grupi, Durrësi me dy skuadrat e para të çdo grupi, ndërsa zonat e tjera u përfaqësuan me ekipet e renditura në vendin e parë në çdo grup.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat