Reagon presidenti i La Ligas, pas lajmeve se Mbappe do të qëndrojë në PSG

Futboll

Reagon presidenti i La Ligas, pas lajmeve se Mbappe do të qëndrojë në PSG

Më: 21 maj 2022 Në ora: 18:31
Presidenti i La Ligas, Javier Tebas

Presidenti i La Ligas, Javier Tebas ka folur pas lajmeve që Kylian Mbappe do të qëndrojë te Paris Saint Germain.

Ende pa u konfirmuar nga vetë lojtari, media të shumta tani raportojnë se Kylian Mbappe ka zgjedhur të rinovojë kontratën e tij me Paris Saint-Germain.

Pavarësisht interesimit të fortë nga Real Madridi, Mbappe ka zgjedhur PSG-në, tek e cila sipas spekulimeve ai do të përfitojë shuma astronomike.

Rreth kësaj çështje tani ka reaguar presidenti i La Ligas, Javier Tebas, i cili mënyrën se si PSG e ka bindur Mbappen për të qëndruar në klub e ka cilësuar si ofendim të rëndë drejt futbollit.

“Ajo çfarë PSG është duke bërë me rinovimin e kontratës së Mbappes, duke i dhuruar shumë astronomike pasi që kishte publikuar humbje prej 700 milionë eurosh në sezonet e fundit, dhe me një faturë prej 600 milionë eurosh paga, është një ofendim i rëndë për futbollin”, tha Tebas.

“Ata janë aq të rrezikshëm sa është edhe vetë Super Liga”, shtoi më tej presidenti i La Ligas.

Siç është bërë e ditur nga shumë media, Mbappe ka pranuar të rinovojë kontratën e tij me PSG, ku spekulohet se do të përfitojë 100 milionë euro vetëm nga nënshkrimi i kontratës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat