Guardiola, mes lotësh: Lejmi legjenda, s’kam parë në jetën time ekip si Liverpooli

Futboll

Guardiola, mes lotësh: Lejmi legjenda, s’kam parë në jetën time ekip si Liverpooli

Më: 22 maj 2022 Në ora: 20:58
Guardiola, mes lotësh: Lejmi legjenda, s’kam parë në jetën time ekip si Liverpooli

Pep Guardiola në “qiellin e shtatë” pas triumfit të Manchester City-t për të dytin vit radhazi në Premier League dhe për herë të katërt në pesë sezonet e fundit. Me spanjollin në stol, Citizens kanë fituar gjysmën e titujve. Në përfundim sfidës së çmendur ndaj Aston Villas, Pep, teksa po përqafonte një nga bashkëpunëtorët e tij, nuk i përmbajti dot lotët.

“Ndeshja e fundit është gjithmonë e veçantë, kishte shumë emocione. Aston Villa dha gjithçka, por goli ynë i parë ndryshoi gjithçka. Ne duhej ta përballonim këtë situatë.”

Për Guardiolën, nuk është momenti për të ruajtur modestinë.

“Ne jemi legjenda. Kur e fiton Premier League-n në këtë vend katër herë në pesë sezone, kjo ndodh sepse këta djem janë shumë të veçantë. Ne do të mbahemi mend. Të fitosh në shtëpi, para tifozëve tuaj, është më e mira. Në momentin që barazuam, e patëm ndjesinë se shumë shpejt do të shënonim të tretin.”

Guardiola nuk mund të linte pa përmendur Liverpoolin, por gjithçka dha përgjatë sezonit.

“Madhështia e suksesit tonë lidhet me madhështinë e rivalit tone. Nuk kam parë kurrë një ekip si Liverpooli në jetën time. Nuk kam energji apo dëshirë tani të mendoj për sezonin e ardhshëm tani. Ne jemi përsëri kampionë".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat