Juventusi lë nam në shtëpi, mundet me poker nga Atletico

Futboll

Juventusi lë nam në shtëpi, mundet me poker nga Atletico

Më: 7 gusht 2022 Në ora: 20:27
Atletico

Atletico Madrid ka arritur një fitore të lehtë 4:0 në miqësoren e luajtur në Continassa ndaj Juventusit. Skuadra e Simeones ishte superiore në të gjitha aspektet duke i konfirmuar Allegrit se ka ende shumë punë për sezonin e ri.

Alvaro Morata ishte protagonist absolut në këtë ndeshje, duke shënuar plotë tri gola. Spanjolli zhbllokoi shifrat që në minutën e 10-të me një ëgoditje të saktë brenda zonës, ndërkohë që do të dyfishonte shifrat në fundin e pjesës së parë.

Në minutën e 62-të, devijoi një top pas një goditje dënimi, duke befasuar portierin e Juventusit.

Bardhezinjtë nga ana tjetër nuk e rrezikuan asnjëherë portën e Atleticos, duke bërë një paraqitje të shëmtuar në shtëpinë e tyre. Në fundin e duelit, Matheus Cunha shënoi dhe golin e katërt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat