Tifozi i njohur e krahason Manchester United me Stoke Cityn

Futboll

Tifozi i njohur e krahason Manchester United me Stoke Cityn

Më: 9 gusht 2022 Në ora: 06:02
Foto ilustrim

Tifozi i njohur i Manchester Unitedit, Mark Goldbridge, është shprehur i frustruar me përforcimet që po tenton t’i bëjë klubi anglez.

Mark Goldbridge, prezantues i radios angleze dhe “YouTuber”, autor i kanalit të tifozëve të Manchester Unitedit, “The United Stand”, nuk është i kënaqur me objektivat e transferimit.

“Transferimet që Manchester United po përgatit… Është si të pretendosh të jesh Stoke City nga viti 2010”, u shpreh ai në rrjetet sociale.

“Nuk mund ta imagjinoj që United të blejë Arnautovicin, nuk duhet ta kishte bërë kurrë këtë. Humbja ndaj Brightonit është mjaft e keqe tashmë. Vetëm Manchester City mund t’i përkeqësojë gjërat me këtë fiasko të Arnautovicit. Pastaj është Rabiot… Lojtar i mirë, por definitivisht është një rrezik i madh. Ne jemi në zonën e dëshpërimit, siç parashikuan shumë”, shtoi Goldbridge.

“Me 3 javë deri në mbylljen e tregut të transferimeve, Richard Arnold është në rrezik të bëhet një drejtor i përgjithshëm më i keq se Ed Woodward”, shkroi Mark Goldbridge. 

Kujtojmë se Manchester United e nisi me humbje sezonin e ri në Premierligë, duke u mposhtur në “Old Trafford” nga Brightoni me rezultatin 1:2. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat