Paulo Sousa mes Veronës dhe Interit: Cioffi dhe Inzaghi po luajnë gjithçka në këto ditë. Dy skuadra të kalibrit të ndryshëm, por jo duke kaluar një kohë të mirë, që shpresonin ta fillonin Serie A në një mënyrë tjetër. Ato kanë një ecuri negative, për pasojë trajnerët e tyre përkatës tani janë në fije të perit…
Simone Inzaghi, siç raporton “Sportmediaset”, do të luajë sonte gjithçka me Barcelonën. Paulo Sousa është një nga emrat e vlerësuar nga drejtuesit e Interit si zëvendësues i mundshëm i Inzaghit.
Ndërkohë, Sousa ditën e djeshme është parë në një restorant në Milano, siç dokumentohet nga “Sportmediaset” dhe në stadiumin “Bentegodi” me rastin e ndeshjes Udinese-Verona.
Sido që të jenë prapaskenat, “San Siro” po përgatitet për një mbrëmje vendimtare. Vendimtare për rrugëtimin në Champions League. Kjo është po aq e vërtetë për Interin, sa edhe për Barcelonën, mjafton t’iu hidhni një sy titujve të gazetave spanjolle.
Ndeshje themelore për të ardhmen teknike të njërit prej dy stolave dhe kjo vlen ekskluzivisht për lnzaghin. Xavi luan një pjesë të mirë të mundësive për të hyrë në raundin e dytë, trajneri zikaltër gjithashtu ka shanset e fundit për të vazhduar punën e tij në Milano (me Paulo Sousa, i treguar si trashëgimtari i tij i mundshëm, i parë në një restorant milanez).
Situata mes Interit dhe Barcelonës është ndryshe, shumë ndryshe. Me Bayernin që i ka fituar tashmë të dyja ndeshjet e para në grup, duke lundruar me qetësi në krye, Inzaghi dhe Xavi e dinë mirë se mes të dyve duhet ndarë të paktën 4 pikë nga sonte deri në javën e ardhshme. Njëri prej tyre do ta vazhdojnë rrugëtimin në Champions.
Nevojitet një fitore dhe të paktën një barazim për të siguruar vendin e dytë në grup, natyrisht duke shmangur gabimet me Viktoria Plzen. Për Inzaghin, në fakt, rrezikohet edhe e ardhmja dhe kjo peshon.
E ardhmja e Simone nuk vendoset domosdoshmërisht sonte, por ndeshja kundër Barcelonës sigurisht që mund ta përcaktojë drejtimin që do të marrë. Fati i trajnerëve varet nga rezultatet. Shpesh edhe nga marrëdhënia me lojtarët dhe klima në dhomat e zhveshjes. Faktorë që sonte do të peshojnë më shumë se kurrë tek Interi.
Formacioni – Vendime të mundshme befasuese nga Inzaghi. E konfirmoi dje startuesin në portë, Onana, ndërsa De Vrij duket se do të kthehet në mbrojtje. Në mesfushë predominon përdorimi i Calhanoglu në krah të Mkhitaryan, me Asllanin në pankinë. Në krahë, Dumfries dhe Dimarco kanë epërsinë ndaj Darmian dhe Gosens, ndërsa prania e Correa duket e sigurt përpara, me balotazhin Lautaro-Dzeko.
