Drejtori i kombëtares, Muharrem Sahiti ka thënë se futbollistët dhe stafi teknik po qëndrojnë të izoluar nga zhvillimet e fundit në FFK, e cila po hetohet nga njësia e krimeve ekonomike që e dërgoi në mbajtje për 48 orë kryetarin Agim Ademi, me urdhër të prokurorit.
Sipas Sahitit, tha se kishte shqetësim të madh te lojtarët dhe stafi, por situata është e mirë në grumbullim
“Dje ka qenë një shqetësim i madh i lojtarëve dhe stafit, por sidoqoftë është përballuar edhe kjo dhe situata është e mirë në kombëtare”, tha Sahiti në konferencën e jashtëzakonshme për media të FFK-së.
Sahiti shtoi se tash e tutje kombëtarja do të jetë e fokusuar tërësisht në dy ndeshjet e para kualifikuese për Kampionatin Evropian.
Kosova të shtunën përballet me Izraelin në udhëtim, kurse tri ditë më vonë në “Fadil Vokrri” do ta presë Andorrën.
