Triumfi i Dinamos në Kupën e Shqipërisë, reagon presidenti i FSHF-së

Futboll

Triumfi i Dinamos në Kupën e Shqipërisë, reagon presidenti i FSHF-së

Më: 1 maj 2025 Në ora: 22:08
Duka

Dinamo ka fituar Kupën e Shqipërisë pas 22 vitesh. “Nëndetësja” ia doli që të fitonte përballë Egnatias me penallti, pasi 120 minuta lojë përfunduan në barazim 2-2. Në përfundim të këtij dueli ka reaguar edhe presidenti i FSHF-së, Armand Duka.

Presidenti Duka uron Dinamon për këtë trofe të fituar, duke vlerësuar punën e lojtarëve, stafit dhe drejtuesve të klubit kryeqytetas. Ndërkohë, Duka shprehet se pret që të dhurohet akoma spektakël e emocione edhe në ndeshjet e Final Four.

Regimi i Armand Dukës:

Urime Dinamo City për fitimin e Kupës së Shqipërisë!

Një ndeshje me emocione, e luftuar, por që në fund do të nxirrte vetëm një fitues.

Ky trofe është shpërblim për punën e bërë nga lojtarët, stafi dhe drejtuesit gjatë gjithë sezonit futbollistik.

Sezoni nuk ka mbaruar ende, pasi në ditët në vazhdim luhen edhe ndeshjet e Final 4 për titullin kampion dhe uroj që të gjitha skuadrat të japin maksimumin dhe t'u japin emocione tifozëve të tyre në "Arenën Kombëtare".

comment Për komente lëvizni më poshtë
Sot mund të lexoni Shfletoni kopertinat