Fisnik Asllani, djaloshi nga Kosova që po çmend gjermanët: Werderi ‘parkoi autobusin’

Futboll

Fisnik Asllani, djaloshi nga Kosova që po çmend gjermanët: Werderi ‘parkoi autobusin’

Nga: K.Goca Më: 10 maj 2026 Në ora: 17:04
Fisnik Asllani

Sulmuesi i kombëtares së Kosovës, Fisnik Asllani, është alfa e omega e skuadrës gjermane, Hoffenheim, e cila me ngulm e do kualifikimin në garat e ardhshme të Champions League. 

Gjithçka është e hapur, java e fundit do të përcaktojë fatin e tyre.

Dje, Hoffenheim si vendas fitoi me rezultat minimal 1:0 ndaj Werder Bremenit. 

Çfarë thotë Asllani për fitoren e djeshme?

“Para së gjithash ishte shumë e rëndësishme që ta fitonim ndeshjen.

Megjithatë, ne duhej të shënonim më shumë gola dhe, në fakt, jemi me fat që nuk pësuam gol.

Po ta kishim realizuar edhe golin e dytë, do të ishim më të qetë dhe nuk do të kishim pasur nevojë të shqetësoheshim deri në fund.

Ndoshta kartoni i kuq i kundërshtarit nuk na nxiti aq shumë sa mund të mendohet.

Të luash kundër një skuadre me një lojtar më pak nuk është aq e lehtë sa duket.

Werder Bremen u mbrojt shumë thellë, ‘parkoi autobusin’, ndërsa ne nuk po arrinim të gjenim hapësirat.

Unë e riktheva shpejt topin në lojë pranë portës dhe kështu përfituam nga momenti kur lojtarët e Bremenit nuk ishin plotësisht të përqendruar.

Ishte shumë e rëndësishme.

Javën tjetër duam ta kryejmë detyrën tonë. Jemi të fokusuar te vetja.

Nëse merresh vazhdimisht me atë që bëjnë të tjerët, shpesh harron detyrën tënde.

Na pret një ndeshje shumë e vështirë si mysafir ndaj Borussia Mönchengladbach.

Pastaj do të shohim se si do të përfundojë gjithçka”, tha Asllani për faqen zyrtare të klubit Hoffenheim.

comment Për komente lëvizni më poshtë
Sot mund të lexoni Shfletoni kopertinat