Holanda synon ti japë fund serisë negative kundër Gjermanisë

Futboll

Holanda synon ti japë fund serisë negative kundër Gjermanisë

Më: 16 nëntor 2026 Në ora: 17:01
Fotoilustrim

Përfaqësuesja e Holandës do të ketë një motiv shtesë në përballjen e sontme ndaj Gjermanisë, pasi synon t’i japë fund një serie negative që zgjat prej 1,444 ditësh.

Sipas statistikave të publikuara nga Flashscore, holandezët nuk kanë arritur të fitojnë në 15 ndeshjet e fundit ndaj kombëtareve që renditen në 25 vendet e para të FIFA-s.

Gjatë kësaj periudhe kanë regjistruar shtatë barazime dhe tetë humbje.

Fitorja e fundit ndaj një kundërshtari të këtij niveli daton më 3 dhjetor 2022, kur Holanda e mposhti SHBA-në me rezultat 3:1 në 1/8 e finales së Kupës së Botës në Katar.

Me fitoren 3:1 ndaj SHBA-së, Holanda e kishte regjistruar suksesin e fundit kundër një kombëtareje të renditur në 25 vendet e para të FIFA-s. Që atëherë, në 15 përballje të tilla ka marrë shtatë barazime dhe ka pësuar tetë humbje.

Kështu, ndeshja ndaj Gjermanisë përbën një mundësi të re për ta ndërprerë këtë seri. Përballja zhvillohet sonte në Berlin, me fillim nga ora 20:45, në kuadër të Grupit A2 të Ligës së Kombeve.

Holandezët vijnë në këtë takim pas fitores së thellë 7:0 ndaj Greqisë, ku Tijjani Reijnders realizoi het-trik. Mesfushori ka paralajmëruar se skuadra ka disa mënyra për të krijuar rrezik në sulm.

“Ishte një ndeshje shumë e mirë nga ana jonë, veçanërisht me depërtimet pas mbrojtjes, jo vetëm nga unë, por edhe nga mbrojtësit e krahëve dhe anësorët. Kishte shumë rrezik nga ana jonë dhe ata patën vështirësi me këtë”, ka thënë Reijnders për UEFA-n.

Në anën tjetër, trajneri i Gjermanisë, Jürgen Klopp, është shprehur i entuziazmuar për këtë përballje, e cila mund të jetë vendimtare për kualifikimin në çerekfinale.

“Do të jetë një ndeshje e madhe. Mezi po e presim të hënën – mezi po presim Holandën”, ka deklaruar Klopp.

Holanda kryeson Grupin A2 me 11 pikë, ndërsa Gjermania dhe Greqia kanë nga tetë.

Kështu, përballja e sontme ka rëndësi të veçantë për të dyja skuadrat, ndërsa holandezët synojnë edhe ta mbyllin serinë e gjatë pa fitore ndaj kombëtareve të nivelit më të lartë.

Sot mund të lexoni Shfletoni kopertinat