Carnevali thekson besimin tek e ardhmja

Futboll

Carnevali thekson besimin tek e ardhmja

Më: 18 nëntor 2026 Në ora: 13:19
Drejtori ekzekutiv i Juventusit, Giovanni Carnevali

Drejtori ekzekutiv i Juventusit, Giovanni Carnevali, foli për vështirësitë dhe perspektivën e klubit, gjatë aktivitetit “RCS Sport Industry Talk”.

“Juventusi nuk ka arritur rezultatet e shpresuara gjatë këtyre viteve. Megjithatë, ka një strukturë të rëndësishme, bashkëpunëtorë të shkëlqyer dhe pronësi me ide të qarta, e cila ka kryer një rikapitalizim të konsiderueshëm, duke pranuar se janë bërë gabime.

Vështirësia më e madhe është marrëveshja e pajtimit financiar (‘Settlement Agreement’), ndaj duhet të përshtatemi. Është një sfidë që e përballojmë me bindjen se mund të rritemi”.

Carnevali theksoi besimin tek e ardhmja, por kërkoi kohë: “Kam besim, por duhet kohë. Garantoj profesionalizëm dhe dëshirë për të punuar, por nuk premtoj asgjë të jashtëzakonshme. Duhet t’u japim kënaqësi tifozëve tanë, që janë kudo. Ata janë thelbi i aktivitetit tonë.

Juventusi është një klub modern, me stadiumin e vet, hotelin, spitalin dhe aktivitete të tjera plotësuese. Kjo tregon se prej vitesh klubi ka menduar për të ardhmen dhe krijimin e mundësive të reja përtej futbollit”.

Sot mund të lexoni Shfletoni kopertinat