Diogo Costa, portieri i Kombëtares së Portugalisë dhe i FC Portos, është njëri prej portierëve më të vlefshëm në botë.
Madje, ai është portieri me vlerën më të lartë të tregut jashtë pesë ligave të mëdha evropiane (Anglia, Spanja, Italia, Gjermania dhe Franca).
Kështu thuhet në raportin e 562-të javor të publikuar nga Observatori i Futbollit (CIES).
Trubin ka humbur vendin e titullarit te Benfica, ku për momentin përparësi ka Samuel Soares, por ukrainasi ka vlerë më të lartë në treg se portugezi.
Nëse llogariten të gjitha ligat, Trubin renditet në mesin e 30 portierëve më të vlefshëm në botë.
Ndërsa, nëse përjashtohen pesë ligat e mëdha evropiane, portieri ukrainas është ndër më të vlefshmit në botë dhe tejkalohet vetëm nga tre emra, njëri prej të cilëve është Diogo Costa.
Edhe Samuel Soares (Benfica), Bernardo Fontes (SC Braga) dhe Rui Silva (Sporting) figurojnë në raportin e CIES, ndonëse në pozita më të ulëta.
Megjithatë, të tre kanë arritur të përfshihen në mesin e 100 portierëve me vlerën më të lartë të tregut në botë.