Karateisti nga Kosova, Orges Arifi, anëtar i kombëtares së Shqipërisë, ka siguruar matematikisht kualifikimin për në Kampionatin Botëror.
Një sukses i radhës për nënkampionin evropian.
“Orges Arifi siguron matematikisht kualifikimin për Kampionatin Botëror, edhe përmes renditjes.
Orgesi është deri më tani shqiptari i vetëm që arrin të kualifikohet për në Botëror duke siguruar pjesëmarrjen në të dy mënyrat: si nënkampion Europe dhe përmes renditjes botërore.
Kjo e fundit ka edhe më shumë peshë, pasi vetëm 8 sportistët më të mirë renditen për të marrë pjesë direkt, pas një beteje dyvjeçare në arenat më të mëdha ndërkombëtare”, njofton Fadil Arifi, ish kryetar i Federatës së Karatesë së Kosovës.