Presidenti i Komitetit Olimpik të Kosovës, Ismet Krasniqi, ka pritur sot ministrin në detyrë të Ministrisë së Mbrojtjes (MB) së Republikës së Kosovës, Ejup Maqedonci.
Krasniqi e falënderoi ministrin Maqedonci për vizitën dhe e njohu me sukseset e sportit dhe sportistëve të Kosovës, si dhe të arriturat tjera të KOK-ut, me theks të veçantë marrjen e organizimit të Lojërave Mesdhetare Prishtina 2030.
Palët diskutuan mundësitë e bashkëpunimit ndërmjet KOK-ut dhe Ministrisë së Mbrojtjes, në projekte konkrete përmes Akademisë Olimpike (AOK) në fushën e edukimit dhe trajnimit.
Në javët në vijim pritet të bashkërendohen takime ndërmjet drejtuesve të AOK-ut dhe përfaqësuesve të Ministrisë së Mbrojtjes, me qëllim konkretizimin e bashkëpunimit.