Naim Sojeva - trajner i dalluar në Gjeneratën e Republikës 

Futboll

Naim Sojeva - trajner i dalluar në Gjeneratën e Republikës 

Nga: Kemajl Goca Më: 17 dhjetor 2020 Në ora: 18:28
Naim Sojeva - trajner i dalluar në Gjeneratën e Republikës 

Trajnerët ka pasur detyra të vështira në vitet e 90-ta sepse ishte shumë vështirë t’i tubosh futbollistët e rinj shqiptarë për të stërvitur dhe zhvilluar garat në kuadër të Republikës së Kosovës. 

E para, shumë të rinj kërkoheshin nga regjimi kriminal serb që t’i dërgonin në ushtri kinse në APJ dhe pastaj në frontet e luftës në Kroaci dhe në Bosnjë dhe Hercegovinë.  

E dyta, milicia e pushtuesit serb ka përdorur dhunë të paparë ndaj popullit shqiptarë të Kosovës në vitet e 90-ta (1991-1999). 

Të jesh sportistë në ato kohëra ka qenë sikur të jesh ushtar në vijën e parë të frontit kundër bandave dhe milicisë serbe.

Naim Sojeva i takon Gjeneratës së Republikës. Ai ka qenë ndër trajnerët më të dalluar të asaj periudhe.
Sojeva si gjithmonë, ka pasur personalitetin e vet, i guximshëm dhe i vendosur në çdo sfidë, duke mos u tremb kurrë nga kërcënimet e okupatorit serb. 

Ai me mijëra sportistë vepruan ashtu si iu ka hije, si trima të vërtetë, duke i zhvilluar garat e Republikës së Kosovës dhe në anën tjetër sfidonin regjimin serb.  

Sojevës, si sot i kujtohen stërvitjet edhe në fushën e futbollit në fshatin Varosh, e cila ishte vërtetë një sakrificë për të gjithë. Ai ndihet krenar që i shërbeu futbollit dhe sportit në përgjithësi të Republikës së Kosovës, në vitet më të rënda, duke iu kundërvu fuqishëm regjimit serb.

comment Për komente lëvizni më poshtë
Sot mund të lexoni Shfletoni kopertinat