Atletico Madridi do të tentojë të anulojë vendimin e Federatës Angleze të Futbollit për përjashtimin me 10 ndeshje të lojtarit Kieran Tripie.
Sipas mediave spanjolle, klubi bardhekuq është gati të ankimojë vendimin e FA-së në FIFA në mënyrë që futbollisti të jetë në dispozicion të teknikut Diego Simeone sa më shpejt të jetë e mundur.
Por shanset, që “Rojiblancos” të fitojnë çështjen janë thuajse minimale teksa në raste të rralla është vendosur falja e lojtarëve për shkeljet që kanë kryer.
Nëse FIFA nuk i jep të drejtë Atletikos, çështja mund të përfundojë në Gjykatën e Arbitrazhit Sportiv.
Ish-futbollisti i Totenhemit u shpall fajtor për pjesëmarrje në lojërat e fatit. Ai u përjashtua me 10 ndeshje dhe gjobë prej 70 mijë paundësh!
