PSG mund të mos ketë buxhet për të nënshkruar me Lionel Messin – paga e tij e kërkuar në këtë kohë është kundër mundësive

Futboll

PSG mund të mos ketë buxhet për të nënshkruar me Lionel Messin – paga e tij e kërkuar në këtë kohë është kundër mundësive

Më: 10 janar 2021 Në ora: 19:15
Leo Messi

Leo Messi duket i lumtur me fanellën e Barcelonës, pas asaj vere plot ngjarje, ndërsa spekulimet mbi të ardhmen e tij vazhdojnë ku Paris Saint-Germain duket i etur për të nënshkruar me të.

Kontrata e argjentinasit skadon pas pesë muajsh dhe nga tani është i lirë të negociojë me klube të tjera.

Për ta marr nga Barcelona nuk do të ketë nevojë për pagesë, por ajo që të gjithë hezitojnë dhe duket një pengesë e madhe për klubet e pasura të Evropës, është paga e lojtarit.

PSG dihet që do t’i ketë në skuadër Messin dhe Neymarin, duke bërë tre yje në sulm, pasi aty është edhe Kylian Mbappe.

Megjithatë, gazetari francez Julien Laurens ka deklaruar se buxheti i kampionëve të Ligue 1 nuk do t’ia lejojë atyre të nënshkruajnë me argjentinasin.

“Me Fair Play Financiar dhe pandeminë, ku edhe PSG është prekur si të gjitha klubet e tjera të mëdha, nuk e di se si do t’ia bëjnë duke parë vetëm nivelin e pagave”.

“Ju mund të keni Neymar, le të themi me 30 milionë euro pagë në vit, Messi me 60 milionë euro në vit dhe Mbappe potencialisht me një kontratë të re me të njëjtën shumë sa Neymari”, ka thënë Laurens për Sky Sports.

“Vetëm ata të tre do të bënin rreth 150 milionë euro, vetëm pagat e tyre, çdo vit”.

“Financiarisht, nuk është e mundur. Por ata duket se thonë se do të provojnë. Por nuk mendoj se është reale”, ka thënë ai.

Sot mund të lexoni Shfletoni kopertinat