Trajneri i Liverpoolit, Jurgen Klopp, ka folur për ndeshjen me Manchester Cityn që do të zhvillohet sot në kuadër të javes së 23-të të Premierligës.
Liverpool do të ndeshet me liderin e Premierligës, Manchester Cityn, "The Reds" kërkojnë të arkëtojnë tre pikë dhe të harrojnë humbjen turpëruese nga Brightoni.
Jurgen Klopp, duke folur për uebfaqen e klubit, nuk ka dashur të fokusohet tek City, por siç thotë ai tek vetja jonë.
"Unë e di që shpesh portretizohet se City dhe ne e kemi përmirësuar njëri-tjetrin gjatë disa sezoneve të fundit", tha ai.
"Unë e kuptoj atë. Unë e kuptoj ndjenjën pas saj, idenë që të kesh një kundërshtar të drejtpërdrejtë që është kaq i fortë do të thotë se tjetri nuk mund të përballojë të relaksohet për momentet më të lehta", shtoi ai.
"Ka pasur momente kur jemi ndjerë si një skenë nga një filmi "Rocky" ku Balboa dhe Apollo Creed po shkëmbejnë vetëm grushta, por asnjëri nuk do të rrëzohet në tokë", tha gjermani.
"Problemi im i vetëm me këtë etiketim është që për ne, me situatën tonë, nëse dëshirojmë të arrijmë gjërat që ëndërrojmë, ne duhet të përqendrohemi plotësisht te vetja. Kjo është më e rëndësishme se kurrë tani", tha Klopp.
"Ne respektojmë rivalët, natyrisht. Shijoni dramën dhe fokusin e një beteje kokë më kokë kur të vijë. Por ne nuk duhet ta harrojmë faktin që përmirësimi ynë vjen duke u siguruar që ne shtrydhim maksimumin nga vetja jonë çdo ditë dhe pastaj të jemi në paqe me atë që na sjellin rezultatet", përfundoi Jurgen Klopp.
