Faton Brahushi - lojtar i Gjeneratës së Republikës, tregon se si u sulmuan nga regjimi serb

Futboll

Faton Brahushi - lojtar i Gjeneratës së Republikës, tregon se si u sulmuan nga regjimi serb

Nga: Kemajl Goca Më: 24 shkurt 2021 Në ora: 18:18
Faton Brahushi - lojtar i Gjeneratës së Republikës, tregon se si u sulmuan nga regjimi serb

Faton Brahushi ka shumë ngjarje të hidhura por njërën nga to nuk e harron në fushën e futbollit të Novosellës në komunën e Gjakovës. Në atëkohë Brahushi ka qenë lojtar i skuadrës së futbollit Gjakova.

“Në vitin 1994/1995 më kujtohet kur policia serbe na ka ardhur në gjysmëfinale të Kupës së Rrafshit të Dukagjinit kundër Besës dhe i kanë përndjekë mbi 3000 spektatorë. Aty i kanë arrestuar kryesinë dhe futbollistët.

Aty kanë qenë duke u luajtur edhe gjysmëfinalja tjetër ndërmjet Vëllaznimit dhe Lirisë në fshatin Novosellë sepse aty i zhvillonim ndeshjet po ashtu edhe kryesitë e atyre dy ekipeve i kanë marrë policia”, tregon Brahushi për gazetën kombëtare “Bota sot”.

Image

Faton Brahushi - i dyti ulur në të majtë me KF Gjakovën në vitet e 90-ta

Brahushi i takon Gjeneratës së Republikës dhe është krenar për mundin që ka bërë në fushën e lojës, po ashtu që ka rrezikuar shumë me shokë për futbollin dhe shtetin e Kosovës.

Ai, si shumë sportistë të tjerë ishte halë në sy për regjimin serb por asnjëherë nuk u tremb dhe as nuk dorëzua përkundër kërcënimeve të llojllojshme. 

Brahushi karrierën si futbollist aktiv e përfundoi në vitin 2002, pastaj i përvishet zejes së gjyqtarit të futbollit.

Sot është krenar që kontribon ende për futboll dhe lozin të lirë në shtetin e Kosovës, nuk janë të rrezikuar me jetë sikur në vitet e 90-ta nga okupatori serb.

Shfaq komentet
comments powered by Disqus
Sot mund të lexoni Shfletoni kopertinat