Challandes: Nëse them se nuk kemi gjasa për t’u kualifikuar, unë jam një trajner i keq

Futboll

Challandes: Nëse them se nuk kemi gjasa për t’u kualifikuar, unë jam një trajner i keq

Më: 23 mars 2021 Në ora: 19:14
Challandes: Nëse them se nuk kemi gjasa për t’u kualifikuar, unë jam një trajner i keq

Selektori i Kosovës, Bernard Challandes ka thënë se nëse thotë që Kosova kualifikohet në katar, atëherë tingëllon qesharake, por edhe nëse thotë se Kosova s’ka gjasa, atëherë ai është një trajner i keq.

Zvicerani ka mbajtur një konferencë të martën, një ditë para ndeshjes miqësore me Lituanën.

“Grupi është i fortë. Prandaj nëse them do të kualifikohemi për në Katar, ju do të qeshni, por nëse them se nuk kemi gjasa për t’u kualifikuar, atëherë unë jam një trajner i keq. Unë jam këtu për të bërë progres në lojën e Kosovës dhe pastaj mund të vijnë rezultatet”, ka thënë ai. “Kemi pasur një periudhë të mirë, por pastaj kemi pasur edhe rënie”.

Challandes është ndalur edhe te mungesa e Rrahmanit.

“Ai nuk do të luajë në ndeshjen e nesërme, gjithashtu as në ndeshjen kundër Suedisë, por është e rëndësishme që ai të jetë këtu, për të parë gjendjen e tij. Duhet të shohim nëse do të ketë gjasa për Amirin për të luajtur ndeshjen kundër Spanjës. Mungesa e tij nga komplikon, por nuk do të thotë se do të ndryshojmë strategji. Suedia edhe pa Ibrahimoviqin është e fortë”, ka thënë ai.

Challendes e ka quajtur gënjeshtër lajmin në media për rrahjen mes Arijinet Muric dhe Edon Zhegrovës.  

“Lajmet për një konflikt Muric-Zhegrova janë të pavërteta dhe nuk qëndrojnë, është rrenë e pastër. Vendimi për Muric është për një çështje disiplinore, ne e kemi publikuar vendimin që e kemi marrë”, ka thënë ai.

Ai e ka parë ndeshjen ndaj Lituanisë të rëndësishme për përgatitjen e ekipit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat