Martini pasi u shpall kampion në Shqipëri

Futboll

Martini pasi u shpall kampion në Shqipëri

Më: 26 maj 2021 Në ora: 19:37
Martini pasi u shpall kampion në Shqipëri

Edi Martini i riktheu titullin kampion Teutës, pas plot 27 viteve pritje. Pas ndeshjes me Apoloninë, tekniku i durrsakëve u shfaq shumë i lumtur, teksa për mikrofonat e “Supersport” ka thënë se është një arritje e rëndësishëm dhe e madhe për qytetin, duke thënë më tej se për ndeshjen e fundit u karikuan më shumë nga mbledhja që presidenti i Apolonisë, Koço Kokëdhima kishte bërë më skuadrën e tij. Më tej Martini tha gjithashtu se mezi po pret ta shikojë ndeshjen e Vllaznisë në Kupë, ku tha se shpreson që ta fitojnë.

“Në minutat e fundit më është dukur vetja sikur kam qenë i intubuar te Shefqet Ndroqi. Ka qenë një kampionat i vështirë, por jam i lumtur që e kurorëzuam me titullin kampion.

Pas çdo humbje ose barazimi zhgënjyes, në ndeshjen e ardhshme kemi triumfuar. Kjo është një forcë karakteri. Kemi eksperiencë në ekip. Ne dhe Vllaznia kemi qenë ekipet më shumë se një familje, shumë të lidhur. Kemi parë njëri-tjetrin në sy. Këta djem janë kampionë dhe e meritojnë.

Bregu golashënuesi ? Kjo është kënaqësi edhe më e madhe. Na ka fituar ndeshjet dhe ka qenë protagonist për skuadrën.

Pengu? Kanë qenë disa. Ky ka qenë një kampionat i çmendur. Pas ndeshjes në Kupë me Skënderbeun, në ato momente kishim ndeshje direkte dhe na dukej e pamundur fitorja. Mezi i prisja ato 3 ditë. Ndeshja me Tiranën dhe Partizanin gjithashtu kanë qenë të vështira. Ky titull më shijon shumë.

Mezi po pres të shkoj në Shkodër të jem në stadium, ku shpresoj të fitojnë Kupën. Jam një tifoz i tyre.

E ardhmja? Nuk më ka shkuar mendja për të folur për këtë. Jam krenar për punën që kemi bërë me ekipin, për punën e bërë. Kam nevojë për pak relaks.

Goli i Mihanës? Kisha frikë aty. Më bëri përshtypje, sepse Kokëdhima, kishte bërë mbledhje-zbritje me ekipin. Kishin bërë mbledhje, sikur nuk i kishin 35 javë për të bërë mbledhje. Unë e dija se do e fitonim ndeshjen, por na duhej më shumë se një gol.

Nëse nuk do ishte karikimi i Kokëdhimës. Kishim informata se kishin bërë mbledhjen, duhet të bënin maksimumin për Shkodrën. Kokëdhima e do shumë Shkodrën. Është normale të vish dhe të luash këtu futboll, unë i them atij faleminderit sepse na karikoi.

Dedikim? Familja ime është ajo që më ka dhënë suportin. Nusja fëmijët, nëna dhe babai im e kishin mendjen gjithmonë këtu. Tifozëve të Durrsit që më kanë respektuar gjithmonë. Dy kupat që fituam, dhe titullin, nuk mund të kishin më shumë rëndësi se sa për këtë qytet.”, tha Martini.

commentFirst article
Sot mund të lexoni Shfletoni kopertinat