Milani mund ta humbas Kessien, katër skuadra të mëdha në garë për të

Futboll

Milani mund ta humbas Kessien, katër skuadra të mëdha në garë për të

Më: 31 maj 2021 Në ora: 09:35
Kessien

Milani ka humbur njërin nga yjet kryesorë të skuadrës, portierin Gianluigi Donnarumma i cili do të largohet i lirë në verë.

Por gjiganti italian rrezikon të mbetet pa një tjetër lojtar të rëndësishëm për edicionin e ri, mesfushorin Franck Kessie.

Ylli afrikan ka pasur një vit shumë të mirë me Rossonerët dhe ka zgjuar interesimin e skuadrave të mëdha.

24-vjeçari ka zhvilluar 50 ndeshje zyrtare me Milanin, ku ka shënuar 14 gola dhe ka asistuar në gjashtë të tjerë.

Paris Saint Germain është skuadra që dëshiron transferimin e tij në Francë, derisa nga Liga Premier ka konkurrencë më shumë.

Manchester United, Liverpool dhe Arsenal janë tri skuadrat angleze që gjithashtu do të tentojnë transferimin e tij në verë.

Kessie ka kontratë me Milanin deri në qershor të vitit 2022 dhe drejtuesit e klubit kuqezi po tentojnë ta bindin për një kontratë të re.

Nëse nuk arrijnë marrëveshje për kontratën e re gjatë qershorit, atëherë Milani do të detyrohet ta shes lojtarin në mënyrë që mos ta humbas pa fituar asgjë pas një viti.

Duke marrë parasysh kontratën e shkurtë që ka me klubin, Milan është gati ta shes Kessien për një shumë mbi 35 milionë euro.

commentFirst article
Sot mund të lexoni Shfletoni kopertinat