​Kurti nderon jetën dhe veprën e Fadil Vokrrit në trevjetorin e vdekjes

Futboll

​Kurti nderon jetën dhe veprën e Fadil Vokrrit në trevjetorin e vdekjes

Më: 9 qershor 2021 Në ora: 12:32
Albin Kurti dhe Shpejtim Bulliqi

Në tre vjetorin e vdekjes së legjendës së futbollit Fadil Vokrri, kryeministri i Kosovës, Albin Kurti, nënkryetarja e Kuvendit Saranda Bogujevci dhe kryetari i Podujevës Shpejtim Bulliqi, nderuan veprën dhe jetën e tij.

Ata bënë homazhe dhe vendosën kurorë lulesh te varri i Vokrrit, në varrezat e lagjes “Arbëria”, në Prishtinë.

Kryeministri Kurti e ka vlerësuar lart personalitetin e Vokrrit si futbollist dhe si më meritorin për pranimin e Kosovës në federatat ndërkombëtare të futbollit.

“Fitoret e klubit të futbollit “Prishtina” ishin të lidhura me emrin e tij. Vokrri ishte arsyeja e fitores, sepse kur topi ishte në këmbën e tij, ai e pushtonte fushën. Kështu ishte edhe në Federatë. Punoi shumë e pa u lodhur për pasionin e sportistëve tanë”, tha Kurti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat