Gianluigi Donnarumma mund t’i nënshtrohet ekzaminimeve të tij mjekësore me Paris Saint-Germain, ndërsa është në detyrë ndërkombëtare me Italinë.
Donnarumma ka rënë dakord për një marrëveshje prej 12 milionë eurosh në vit me PSG-në, ku do të kalojë si lojtar i lirë nga Milani.
Gazeta Il Corriere dello Sport konfirmon se 22-vjeçari është në prag të transferimit në Paris, por duhet të përfundojë ekzaminimet e tij mjekësore para se të nënshkruajë kontratën e tij me gjigantët e Ligue 1.
Sipas raportit, PSG mund t’i kërkojë Donnarummas që të bëjë testet mjekësore ndërsa është në detyrë ndërkombëtare me Italinë në mënyrë që ata të mos duhet të presin deri në fund të Euro 2020 për të përfunduar zyrtarisht nënshkrimin e tij.
Sidoqoftë, nëse ata vendosin të shkojnë përpara, do të duhet të marrin dritën jeshile nga trajneri i Italisë, Roberto Mancini.
Mbetet të shihet nëse Mancini dhe federata italiane e futbollit do ta lejojnë Donnarumman të kryej testet mjekësore me PSG-në gjatë stërvitjes me Azzurrët gjatë Euro 2020, gara e parë ndërkombëtare që portieri luan në karrierën e tij.
Donnarumma bëri debutimin e tij në Serie A nën urdhrat e Sinisa Mihajlovic kur ishte vetëm 16 vjeç në tetor të 2015. Ai luajti 251 ndeshje me Rossonerët.
