Gjermania e ka mposhtur Portugalinë me rezultat 4-2 në ndeshjen e rrethit të dutë të Grupit F të Kampionatit Evropian “Euro 2022” dhe njëri nga gola e portugezëve u realizua nga Cristiano Ronaldo.
Pikërisht yllit të Juventusit Lov ia kushtoi një pjesë të mirë të konferencës pas ndeshjes ku nuk mungoi edhe ironia ndaj tij por nuk i harroi as lëvdatat.
Joakim Lov përdori veprimin e Cristiano Ronaldos disa ditë më parë, për të nxjerrë në pah performancën e futbollistit portugez. Siç dihet, CR7 hoqi dy shishe Coca Cola nga tavolina përpara fillimit të konferencës për shtyp para ndeshjes midis Hungarisë dhe Portugalisë.
Duke u nisur nga ky veprim i tij, Lov tha:
“Cristiano Ronaldo mund të bëjë më shumë sesa të largojë mënjanë shishet e Coca-Colas, ai ka më shumë cilësi: ai mund të shënojë gola të veçantë, është mirë të ndalet. Ai nuk mund t'i bëjë të gjitha vetëm, natyrisht, kështu që ne nuk mund të bënim një mbrojtje vetëm kundër tij. Duhet të jesh vigjilent dhe të jesh i kujdesshëm, ne e dimë se çfarë lloj ndeshjesh bën ai ”, tha fillimisht Lov.
Megjithëse vlerësoi virtytet e sulmuesit, tekniku gjerman gjithashtu theksoi se skuadra portugeze nuk është më një ekip me një njeri si vitet e mëparshme:
“Në vitet 2012, 2014 dhe 2016 varej nga Cristiano Ronaldo, super ylli portugez , tani nuk është vetëm ai, aty janë edhe Bernardo Silva, Bruno Fernandes, Joao Felix, Diogo Jota. Të gjithë janë lojtarë me cilësi të larta ”, theksoi ai.
