Gjyqtari i futbollit Bekris Dragusha është hero i vërtetë, sot ka shpëtuar nga vdekja tre pushues nga Ferizaj.
Kjo ndodhi në Shëngjin, ku tre pushuesit u përballen me dallgët e detit.
“Një akt heroik kanë kryer sot Vrojtuesit e Plazhit në Shëngjin. Lucjano_Marku dhe Bekris_Dragusha më shumë guxim kanë shmangur një tragjedi të vërtetë.
Tre pjesëtarë të një familje nga Ferizaj, babai dhe dy vajzat e tij adoleshente kane rrezikuar jetën.
Në momentin kur 3 te rrezikuarit po luftonin me rrymat e krijuara nga dallgët e mëdha, me shumë profesionalizëm Luçjano dhe Bekrisi kane ndërhyrë dhe i kanë transportuar të rrezikuarit me në thellësi deri në kufirin e lejuar për notim. Djemtë tregojnë se kanë zgjidhur tapat kufizuese dhe kanë ndihmuar të rrezikuarit të mbahen në to.
Me udhëzimet e Vrojtuesve, stafi i sigurisë se Princ Adriatik Resort të ndihmuar edhe nga pushuesit janë lidhur dorë me dorë për t’i kaluar atyre litarin e rulit statik te Vrojtuesit. Falë Zotit te 3 të rrezikuarit janë nxjerrë ne breg dhe gëzojnë shëndet të plote. Vrojtuesit e plazhit shpëtojnë jetë!”, njofton Federata Shqiptare "Vrojtuesit e Plazhit dhe Shpëtimit në Ujë".
