Tetova: Kemi luajtur kundër Prishtinës dhe e kemi ditur se çfarë vështirësish na presin

Futboll

Tetova: Kemi luajtur kundër Prishtinës dhe e kemi ditur se çfarë vështirësish na presin

Më: 27 nëntor 2021 Në ora: 15:55
Tetova: Kemi luajtur kundër Prishtinës dhe e kemi ditur se çfarë vështirësish na presin

Sot u zhvillua një ndeshje në BKT Superligën e Kosovës në kuadër të javës së 16-të.

Prishtina ka arritur fitore të rëndësishme në udhëtim te Ulpiana, me rezultat bindës, 3.0, shkruan Gazeta Olle.

Golat për bardhekaltrit i realizuan Leotrim Kryeziu 34′ dhe 85′, si dhe Besnik Krasniqi 57′ (penallti).

Trajneri i Ulpianës, Edlir Tetova, ka thënë se humbja ka ardhur si pasojë e lodhjes së lojtarëve.

‘Kemi luajtur kundër Prishtinës dhe e kemi ditur se çfarë vështirësish na presin. Ndikoi lodhja te lojtarët nga këto tri ndeshjet e fundit. Duhet ta harrojmë këtë ndeshje dhe të vazhdojmë tutje. Fondi i ekipit është ky, por ne do ta vazhdojmë punën tonë. Duhet pasur parasysh edhe forcën e Prishtinës si skuadër’, ka thënë fillimisht Tetova pas ndeshjes.

‘Çdo lojtar i ka momentet e veta brenda ndeshjes. Sigurisht që nuk ishte veprim i mirë. Në këto momente gjithçka ndodh. Unë nuk e pash si karton të kuq, ndoshta gjyqtarët e kanë parë më mirë dhe ashtu e gjykuan’, përfundoi Tetova.

Kryeqytetasit tashmë ngriten në kuotën e 24 pikë, aq sa ka edhe Llapi në pozitën e katërt, ndërsa lipjanasit mbetet në të shtatin me 17 sosh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat