Maxhuni: Synojmë rikthimin në elitë dhe të festojmë në mënyrë madhështore 100 vjetorin e themelimit të klubit

Futboll

Maxhuni: Synojmë rikthimin në elitë dhe të festojmë në mënyrë madhështore 100 vjetorin e themelimit të klubit

Nga: Kemajl Goca Më: 28 nëntor 2021 Në ora: 13:34
Maxhuni: Synojmë rikthimin në elitë dhe të festojmë në mënyrë madhështore 100 vjetorin e themelimit të klubit

Vushtrria është kampion vjeshtor në Ligën e Parë të Kosovës, Grupi B.

Vushtrriasit duke iu falënderuar fitores në Prishtinë, me rezultat 1:0 kundër Ramiz Sadikut, arritën në kreun e tabelës.

Futbollisti Daut Maxhuni është realizator i golit të fitores.

Image

Vushtrria synon rikthimin në elitën e futbollit të Kosovës dhe po në vitin 2022 e kanë edhe 100 vjetorin e themelimit të klubit, që të dyja t’i festojnë së bashku.

Maxhuni tha se janë kandidatët kryesor për t’u rikthyer në elitë sepse Vushtrria e ka vendin në shoqërinë e më të mirëve. 

Ëmbëlsira më e mirë do të ishte rikthimi në 100 vjetorin e themelimit të klubit.

Image

Vushtrria kryeson renditjen me 26 pikë, ka një më shumë se Ferizaj në pozitën e dytë.
 
 “Bota sot”: Vushtrria pas shumë peripecive, këndellet dhe në fund stoliset me titullin vjeshtor, ku ishte forca kryesore?

Daut Maxhuni: Besoj se kemi bërë një ekip të mirë e me djem të ri po ashtu edhe lojtarë me përvojë, ishte një miks i mirë. Po ashtu edhe përvoja e trajnerit Samuel, kemi qenë kompakt këtë sezon si kolektiv. 

“Bota sot”: Cilat ekip i sheh në garë të fortë për vendin e parë?
Daut Maxhuni:
Arbëria, besoj ka ekip të fort po ashtu edhe Ferizaj. Me këto dy ekipe deri në fund do ta çojmë garën.

“Bota sot”: A mendoni se Ramiz Sadiku dhe 2 Korriku janë befasi dhe mund të janë rival të papërshtatshëm për pjesën pranverore?
Daut Maxhuni: 
Dyjat janë ekipe cilësore, besoj se kanë bë një gjysmë sezon të shkëlqyeshëm por unë mendoj se Arbëria edhe Ferizaj janë konkurrent kryesor, kuptohet pas Vushtrrisë.

“Bota sot”: Çfarë i duhet me shumë Vushtrrisë?

Daut Maxhuni: Përkrahje nga i gjithë qyteti duke filluar nga kryesia e kështu me radhë.

“Bota sot”: megjithatë, a mendoni se Ferizaj është rivali kryesor?

Daut Maxhuni: Arbërinë e shoh rival kryesor. Thënë të vërtetën edhe Ferizaj ka ekip cilësore, një trajner të dëshmuar.  Mendimi im është se Arbëria është konkurrenti ynë kryesor.

“Bota sot”:  Çfarë premton për pranverë dhe a mendoni se janë pikë reale apo është pritur më shumë?
Daut Maxhuni:
Në bazë të rrethanave se si kanë shkuar, mendoj se jemi këtu ku jemi me meritë. Unë premtoj se do e bëjmë maksimumin që klubi ynë të jetë për 100 vjetor e themelimit të klubi në Superligë. Dihet se në vitin 2022 është 100 vjetori i klubit, për këtë arsye do të bëjmë çmos të arrijmë këtë objektiv.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat