FSHF i bën dhuratë katër fusha të reja futbolli Qarkut Tiranë

Futboll

FSHF i bën dhuratë katër fusha të reja futbolli Qarkut Tiranë

Më: 21 janar 2022 Në ora: 19:27
FSHF i bën dhuratë katër fusha të reja futbolli Qarkut Tiranë

Zgjerohet gama e ndërhyrjes infrastrukturore të FSHF-së për shtimin e terreneve sportive në Tiranë. Pas investimeve në 3 fushat e kompleksit “Skënder Halili” të Tiranës, punimeve dinamike në kompleksin Partizani, sot Komitetit Ekzekutiv i FSHF-së miratoi edhe propozimin për fillimin e punimeve për ndërtimin e 4 fushave të reja në qarkun e Tiranës.

Këto fusha do të ndërtohen në kuadër të projektit të FSHF-së për “100 fushat” ku në bashkëpunim me subjektet që vënë terrenin në dispozicion do të bashkëfinacohet në vlerën 50%. Fushat që do t’i shtohen inventarit të Tiranës do të jenë më konkretisht në zonën e Prezës, Paskuqani, Arbanës dhe në kompleksin “Football Republic” në Petrelë.

FSHF do të vazhdojë të kërkojë bashkëpunimin e të gjitha bashkive të vendit, individëve apo shoqatave që kanë dëshirë të bëhen pjesë e këtij projekti për të ndërtuar fusha të reja futbolli në të gjithë vendin.

Gjithashtu, FSHF fton të gjitha palët e interesuar që të aplikojnë për përfituar mbështetjen e Federatës për projektin “100 fushat”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat