Nuk lejohen shikuesit në stadiume dhe palestra në Kosovë

Futboll

Nuk lejohen shikuesit në stadiume dhe palestra në Kosovë

Më: 22 janar 2022 Në ora: 11:56
Nuk lejohen shikuesit në stadiume dhe palestra në Kosovë

Qeveria e Republikës së Kosovës ka zhvilluar mbledhje elektronike, në të cilën ndër të tjera ka miratuar masat e përgjithshme dhe të veçanta për kontrollin, parandalimin dhe luftimin e Pandemisë COVID-19.

Me masat e reja kufizimi i qarkullimit të qytetarëve do të jetë nga ora 22:00 deri në ora 05:00.

Po ashtu masat kanë prekur edhe garat sportive që mbahen në Republikën e Kosovës.

Garat do të lejohen, por me masat mbrojtëse të cilat rekomandohen nga Qeveria. Ndërsa sa i përket tifozëve në stadiume dhe palestra, ata nuk do të mund të jenë prezent.

“Numri i pjesëmarrjeve në garë (sportistë, klube, zyrtarë dhe pjesëmarrës të tjerë të nevojshëm për zhvillimin e garës) përcaktohen nga federata sportive duke respektuar masën e distancës dhe masat tjera mbrojtëse. Në aktivitet në hapësira të mbyllura dhe të hapura nuk lejohet prania e shikuesve”, thuhet në njoftimin e Qeverisë së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat