Serie A rikthehet sot me disa ndeshje tejet interesante, të vlefshme këto për xhiron e 29 të këtij sezoni.
Fillimisht, programin e sotëm e hapin dy ndeshjet që fillojnë nga ora 15:00, ku Salernitana është nikoqire e Sassuolos, dhe Cagliari zhvillon ndeshje si mysafirë kundër Spezias.
Ndërkaq, me fillim nga ora 18:00 do të fillojë ndeshja mes Sampdorias dhe Juventusit, ku ky i fundit do të kërkojë me çdo kusht fitoren për të përforcuar pozitën e katërt në tabelë.
Në anën tjetër, gjigandi italian dhe lideri i tabelës Milani synon fitoren kundër Empolit për të vazhduar ëndrrën drejt titullit të “Scuddetos”.
Momentalisht, tabela e Serie a kryesohet nga Milani me 60 pikë, dy sosh më shumë se vendi i dytë Interi, kurse Top 4 e mbyllin Napoli me 57 pikë dhe Juventusi me 53 sosh.
Në fundin e tabelës gjenden Venezia me 22 pikë, Genoa, me 18 sosh dhe skuadra e Salernitanas me vetëm 15 pikë të arkëtuara.
Programin e plotë të ndeshjeve të sotme në Serie A e gjeni më poshtë.
15:00 Salernitana – Sassuolo
15:00 Spezia – Cagliari
18:00 Sampdoria – Juventus
21:00 AC Milan – Empoli
